2020年新冠肺炎影響全球，除咗對日常生活、經濟大受影響，面對疫情反覆、各地政府實施限聚禁令或封城，對一眾運動發燒友影響都非常大。
到底係香港疫情下，運動員嘅訓練安排受到幾大影響？有咩方法可以保持訓練？疫情放緩又係咩應該即刻加大訓練強度，短時間催谷狀態？
【疫情下的鐵人魂】第一篇揾到三鐵、長跑同越野跑山界都獲獎無數嘅Ball Wing講下疫情期間點樣安排訓練。
香港最速IRONMAN - 陳凱榮(Ball Wing)
參與三項鐵人年資：約10年
最佳完成時間：Half-Ironman 4小時23分 / Ironamn 9小時32分(現時本地華人最佳成績)
疫情前的訓練計劃：
同好多香港人一樣，番一份全職工作，收工後訓練，每星期訓練約12-15小時。
訓練內容包括泳池/沙灘練水、單車及跑步訓練，間中亦會加入跑山訓練，視乎比賽時間表安排。
疫情前以戶外訓練為主，亦會同隊友一齊團練，比較喜歡團練係因為可以大家互相鼓勵之外，做速度訓練上有隊友一齊配速亦有助提升表現。
疫情下的訓練安排：
應該係運動發燒友最傷腦筋的時間，因為有多樣防疫限制，包括場地封閉、户外需戴口罩(包括運動)，另外再加上本港炎熱潮濕天氣，大大影響訓練安排，到底Ball Wing點樣應對？
訓練新潮流 • 室內訓練
因應場地關閉及限聚令，訓練時數減少，每星期約8小時，以室內訓練為主，包括單車機及跑步機訓練。現時有訓練相關應用程式可以用係單車機或跑步機(例如：ZWIFT)，令原本較為沉悶的室內訓練變得有趣及提升訓練效率，亦可以同隊友係虛擬世界團練，增加互動性。
戶外訓練減量 • 減強度
雖然大部分訓練改為室內進行，但都會抽時間到户外練車或練跑，以保持路感，因為有一段時間户外運動時都需要戴口罩，加上本港天氣仍然較熱同濕度高，所以要相對減少訓練量，亦減低強度，盡可能輕鬆為主，強度訓練安排室內進行
游水方面，因為泳池同沙灘關閉，所以只能係家中做體能訓練，例如：拉橡根帶、Core training等等...盡可能減低缺少練水的影響
疫情放緩下的訓練計劃及建議：
疫情放緩，部分運動場所重新開放同限制措施放寬，因此會安排增加戶外訓練，例如可以去泳池練水或去運動場練跑，亦會同隊友小組訓練，逐漸增加強度。
重新出發
重新安排訓練建議：如果係疫情期間訓練時數大減的朋友，重新安排訓練時初期應以輕鬆訓練為主，強度不需太高，亦不需要一下子安排太多訓練量，以免受傷。
初期訓練目的，慢慢俾身體接受番運動，輕鬆訓練可維持約2星期，留意身體狀況才安排逐漸加強度，切忌太急進。
Comments