三項鐵人係香港愈嚟愈普及，無論本地或海外賽事，都吸引到一大班愛好者支持
一般嘅三項鐵人賽大家都應該好熟悉，過程就係游完水，踩住架公路車或鐵人車係路上飛馳然後再跑步衝線
咁你又有冇聽過XTERRA越野三項鐵人呢？
XTERRA越野三項鐵人起源於1996，第一場賽事係夏威夷舉行，比賽次序同一般三項鐵人賽同樣係先游水，然後踩單車，最後跑步衝線完成賽事
但叫得越野，路線上同器材上就大有分別啦，單車同跑步都會係越野路段(off-road)，運動員都會用山地單車(mountain bike)岀賽，最後跑步都會係越野跑
XTERRA三項鐵人賽事距離
游泳1.5公里，越野單車30公里及越野跑11公里
游水方面，距離同距離一樣，對有接受游泳訓練嘅朋友挑戰性不大
單車路段雖然比奧運距離短，但30公里山地單車路段起伏及技術性要求較多，同一般公路上以均速為主嘅賽事比較，難道相對提高，建議參賽前先揾教練訓練，熟習基本山地車技術
跑步11公里變化可以好大，因為係越野跑，路段都會比較體力化，上落、轉向都會比較多，建議參賽前嘗試到類似越野山徑練習，以及係日常課表加入適量體能訓練以增強肌力
個人經驗
小編2014年到馬來西亞布城(Putrajaya)參賽，1.5公里係平靜嘅湖中進行，然後30公里單車路段比較多技術位置，例如要經過一塊窄木板過河，窄路加連續4-5個上斜鬆夾彎等等，對於少練山地單車嘅我感到非常吃力，最後2圈共11公里越野跑，當中要有幾個位置要上一段短但非常斜嘅叢林，第一圈路況還可以，第二圈因為接近水站，速段上斜又濕又滑，最後要手腳並用爬上去，當中亦有路段要涉水，亦有一大遍碎石地，印象中完成時間用左接近5個半小時，差不多相當於一個70.3比賽嘅時間
XTERRA越野三項鐵人玩落係辛苦，但當中好玩過癮之處比辛苦多，除左可以係叢林比賽之外，亦可以係一個挑戰自己嘅好機會，非常值得各位鐵人嘗試參加
心郁郁想比賽，有咩地方揀？
XTERRA越野三項鐵人賽係歐美已經盛行，亞洲區高以日本起步較早，近年台灣及內地亦陸續開始舉辦比賽，大家都可以留意一下！同IRONMAN一樣，係分齡組別賽事成績優秀，都有機會攞到XTERRA世界錦標賽資格，係夏威夷同世界各地優秀運動員同場較量
相片來源：Xterra Facebook
Eric Lo Facebook
蔡尚傳 Facebook
Commenti